Туркиядаги Хожи Ўзбек масжиди – усмонийлар даврининг илк иншоотларидан

Туркиянинг Изник шаҳрида усмонийлар давлатининг биринчи рўйхатга олинган меъморий обидаси – Хожи Ўзбек масжиди қад ростлаб турибди.

734 ҳижрий, 1333-34 мелодий йилларда қурилган ушбу масжид бугунги Туркиянинг диққатга сазовор, саёҳатчилар эътиборидаги обидаларидан ҳисобланади. Интернет тармоқларида ушбу масжид суратларини кўплаб учратиш мумкин.

Турк манбаларида келтирилишича, Изник (ўша даврдаги Никея) Ўрхон I томонидан фатҳ қилингандан сўнг 3 йил ўтиб, Хожи ўзбек Муҳаммад ўғли томонидан бино қилинган масжид ўз услубига кўра ўхшаши йўқ ҳисобланади. 7,92х7,92 м ўлчамдаги тўғри тўртбурчак шаклида қурилган масжид диагонали 8 м бўлган гумбазга эга.

1940-йилларда йўлни кенгайтириш мақсадида масжиднинг ғарбий қисмидаги устунлар ва саҳн бузилган.

1959 йилдаги қурилиш натижасида бинонинг шимолий қисми кенгайтирилган.

 

Вам может также понравиться...

Добавить комментарий

Ваш адрес email не будет опубликован. Обязательные поля помечены *