Далварзинтепа

ДАЛВАРЗИНТЕПА – археологик ёдгорлик (мил. бошлари – 15-аср). Бекобод туманидаги Жумабозор қишлоғида жойлашган. Араб географлари (10-аср), Бобур (15-аср) томонидан қайд қилинган Илоқдаги шаҳар – Хос ўрнида бўлган (Э.Ю.Бурякова, 1966). Далварзинтепа – бешбурчак шаклидаги улкан қалъа (майдони 1 гектар) баландлиги 10 м дан ортиқ. Қалъа мустаҳкам мудофаа девори, буржлар билан ўралиб, шимолий қисмида махсус истеҳком ва жанубий томондан кириладиган дарвозаси бўлган. Қисман сақланган шаҳристон майдони 11–12 гектар. Қазишма ишлари олиб борилмаган бўлса-да, милоднинг бошларидан 14–15-асрларгача бўлган даврга оид сопол идишлар, милоднинг дастлабки асрларига мансуб кичик танга хазинаси тўпланган.

«Тошкент» энциклопедияси. 2009 йил

Вам может также понравиться...

Добавить комментарий

Ваш адрес email не будет опубликован. Обязательные поля помечены *