Бош саҳифа » Тошкент тарихи » Тошкент тўғрисида баъзи маълумотлар

Тошкент тўғрисида баъзи маълумотлар

1867 йил 11 июль – Россия императори Александр II нинг Фармонига биноан Еттисув ва Сирдарё вилоятларидан иборат Туркистон генерал-губернаторлиги ташкил этилди ва Еттисув ва Сирдарё вилоятларини бошқариш тўғрисидаги Низом асосида Тошкент шаҳар бошқармаси тузилди.

Ушбу Фармонга кўра, Тошкент шаҳри Туркистон генерал-губернаторлигининг пойтахти ва Сирдарё вилоятининг маркази деб юритилди.

1917 йил 28 март – Халқ депутатлари Тошкент шаҳар Кенгаши таркибида, яъни Тошкент шаҳрида Янгишаҳар ва Эскишаҳар районлари (маъмурий-ҳудудий бирликлари) ташкил этилди.

1918 йил 30 апрель – РСФСР таркибида Туркистон АССР ташкил этилиб, унинг пойтахти Тошкент шаҳри деб белгиланди.

1924 йил 27 октябрь – СССР Муваққат Инқилобий қўмитанинг II сессияси қарорига асосан ЎзССР ташкил этилиб, унинг пойтахти Тошкент шаҳри деб белгиланди.

1924 йил 22 ноябрь – Муваққат Инқилобий қўмита республика пойтахтини Самарқанд шаҳрига кўчиришга қарор қилди.

1925 йил 11 февраль – Ўзбекистонга ташриф буюрган СССР МИҚ раиси М.И.Калинин томонидан Самарқанд шаҳрининг Регистон майдонида Ўзбекистон Республикаси пойтахти Самарқанд шаҳри деб эълон қилинди.

1930 йил 17 август – ЎзССР Марказий Ижроия комитетининг «ЎзССР пойтахтини Самарқанд шаҳридан Тошкент шаҳрига кўчириш тўғрисида»ги 155-сонли қарори қабул қилинди.

1991 йил 31 август – Ўзбекистон Республикаси Олий Кенгашининг навбатдан ташқари VI сессиясида Ўзбекистоннинг давлат Мустақиллиги эълон қилинди. Ўзбекистон ССР – Ўзбекистон Республикаси деб қайта номланди ва унинг пойтахти Тошкент шаҳри деб белгиланди.

Эргаш Исматуллаев

Ўхшаш мақола

«Туркистон альбоми»

Post Views: 310 «ТУРКИСТОН АЛЬБОМИ» – Туркистон ўлкаси, унинг ижтимоий ҳаёти, аҳолининг турмуш тарзи, маданияти …

Добавить комментарий

Ваш адрес email не будет опубликован. Обязательные поля помечены *