Бош саҳифа » Тарих » Рашидов Шароф Рашидович

Рашидов Шароф Рашидович

РАШИДОВ Шароф Рашидович (1917.6.11–1983.31.10) – давлат ва жамоат арбоби, ёзувчи. Жиззах педагогика техникумини (1935), СамДУнинг филология факультетини тугатган (1941). Самарқанд вилояти газетасида масъул котиб, муҳаррир ўринбосари ва муҳаррир (1937–41, 1943). 2-жаҳон уруши қатнашчиси (1941 йил нояб. – 1942). Ўзбекистон КП Самарқанд вилояти комитети котиби (1944–47). 1947 йилдан Тошкентда. «Қизил Ўзбекистон» газетаси муҳаррири (1947–49), Ўзбекистон Ёзувчилар уюшмаси бошқаруви раиси (1949–50). Ўзбекистон Олий Совети Президиуми раиси (1950–59), Ўзбекистон КП МК 1-котиби (1959–83).

Рашидов «Fолиблар» (1951), «Кашмир қўшиғи» (1956), «Қалб амри билан» (1982) қиссалари, «Бўрондан кучли» (1958), «Қудратли тўлқин» (1964) романлари, бир қанча публицистик китоблар ва бошқа асарлар муаллифи. Рашидов 1966 йилги Тошкент зилзиласи оқибатларини тугатиш бўйича катта амалий ишларни бажарди. Рашидов вафотидан сўнг 80-йиллар қатағонида ноҳақ қораланди. 1991 йил Ўзбекистон Республикаси Олий Кенгаши Рашидов номини қайта тиклади.

Тошкентдаги кўчалардан бири Рашидов номига қўйилган. Чиғатой қабристонига қайта дафн этилган. Дастлабки дафн этилган жой (Рашидов хиёбони)да ҳайкал (ҳайкалтарош Я.Шапиро) ўрнатилган.

«Тошкент» энциклопедияси. 2009 йил

Ўхшаш мақола

Турк султони, рус императори ва Буюк Британия бош вазири билан кўришган тошкентлик қози

Post Views: 1 012 Тарихимизда биз билмаган қозилардан яна бири Саид Ёқубхон тўра Саид Низомиддин ўғлидир. …

Добавить комментарий

Ваш адрес email не будет опубликован. Обязательные поля помечены *