Тўйтепа

ТЎЙТЕПА – шаҳар (1973 йилдан), Тошкент вилояти Ўрта Чирчиқ тумани маркази (яқин кунларда Тошкент вилоятининг маъмурий маркази сифатида эълон қилиниши кутилмоқда). Тошкент агломерациясида, ундан 37 км. Яқин темир йўл станцияси – Чиғириқ (5 км). Аҳолиси 36,7 минг киши (2008). Қадимда Мингтепа, Нукат номлари билан маълум бўлган. Шаҳар тўғрисидаги илк маълумотлар унинг ривожланган даври (10–12-асрлар)га тўғри келади.

Тўйтепа автомобиль йўллари орқали Тошкент шаҳри ва бошқа шаҳарлар билан боғланган. Тўйтепа яқинидан Тошкент–Ангрен темир йўли ўтади. Шаҳарнинг жануби-ғарбида Тўябўғиз сув омбори жойлашган.

«Тошкент» энциклопедияси. 2009 йил