Кайковус

КАЙКОВУС – қадимий канал, Бўзсувнинг ўнг тармоғи. Собир Раҳимов (ҳозирги Олмазор) ва Шайхонтоҳур туманлари ҳудудидан оқади. 6–7-асрларда Бўзсув канали катталаштирилиб, ундан Кайковус чиқарилган ва Қорақамиш жарлигига етказилган. Муҳаммад Солиҳхўжанинг «Тарихи жадидаи Тошканд» асарида Бўзсув ҳам Кайковус дейилган. 16-асрда Кайковус бўйида (шаҳар қўрғони ташқарисида) Кайковус чорбоғи бўлган.

Ҳозирги Кайковус Шайхонтоҳур ГЭСнинг юқори бъефидан бошланади, узунлиги 28 км, сув ўтказиш имконияти 20 м3/сек. Кайковусдан Жангоб ва Янгиариқ бошланади. Форобий кўчасидан бошлаб канал Чиғатой ариғига (ўнгга) ва Кўкча ариғига (чапга) бўлинади. Кайковуснинг катта қисми реконструкция қилинган, автомобиль ва пиёдалар ўтадиган кўприклар қурилган.

«Тошкент» энциклопедияси. 2009 йил

Ўхшаш мақола

XIX асрнинг иккинчи ярми – XX аср бошларида Тошкент матбуоти

Post Views: 658 Инсоният пайдо бўлганидан бошлабоқ ўзаро ахборот алмашув эҳтиёжи пайдо бўлган. Дастлаб, инсонлар …

Добавить комментарий

Ваш адрес email не будет опубликован. Обязательные поля помечены *