Bosh sahifa » Tarix » Rashidov Sharof Rashidovich

Rashidov Sharof Rashidovich

RASHIDOV Sharof Rashidovich (1917.6.11–1983.31.10) – davlat va jamoat arbobi, yozuvchi. Jizzax pedagogika texnikumini (1935), SamDUning filologiya fakultetini tugatgan (1941). Samarqand viloyati gazetasida mas’ul kotib, muharrir o‘rinbosari va muharrir (1937–41, 1943). 2-jahon urushi qatnashchisi (1941 yil noyab. – 1942). O‘zbekiston KP Samarqand viloyati komiteti kotibi (1944–47). 1947 yildan Toshkentda. «Qizil O‘zbekiston» gazetasi muharriri (1947–49), O‘zbekiston Yozuvchilar uyushmasi boshqaruvi raisi (1949–50). O‘zbekiston Oliy Soveti Prezidiumi raisi (1950–59), O‘zbekiston KP MK 1-kotibi (1959–83).

Rashidov «Foliblar» (1951), «Kashmir qo‘shig‘i» (1956), «Qalb amri bilan» (1982) qissalari, «Bo‘rondan kuchli» (1958), «Qudratli to‘lqin» (1964) romanlari, bir qancha publitsistik kitoblar va boshqa asarlar muallifi. Rashidov 1966 yilgi Toshkent zilzilasi oqibatlarini tugatish bo‘yicha katta amaliy ishlarni bajardi. Rashidov vafotidan so‘ng 80-yillar qatag‘onida nohaq qoralandi. 1991 yil O‘zbekiston Respublikasi Oliy Kengashi Rashidov nomini qayta tikladi.

Toshkentdagi ko‘chalardan biri Rashidov nomiga qo‘yilgan. Chig‘atoy qabristoniga qayta dafn etilgan. Dastlabki dafn etilgan joy (Rashidov xiyoboni)da haykal (haykaltarosh Ya.Shapiro) o‘rnatilgan.

«Toshkent» ensiklopediyasi. 2009 yil

O‘xshash maqola

Turkiston Muxtoriyatiga bol’shovoylar tajovuzi

Post Views: 25 1918 yil 19 – 26 yanvarda bo‘lib o‘tgan Turkiston o‘lkasi sovetlarining IV …

Fikr bildirish

Email manzilingiz chop etilmaydi. Majburiy bandlar * bilan belgilangan