Bosh sahifa » Toshkentliklar » Rahmat Fayziy (1918 – 1988)

Rahmat Fayziy (1918 – 1988)

RAHMAT FAYZIY (1918.10.9–1988.18.11) – O‘zbekiston xalq yozuvchisi (1978), O‘zbekistonda xizmat ko‘rsatgan san’at arbobi (1968). Toshkentda tug‘ilgan. 2-jahon urushi qatnashchisi (1939–41), «Turon» gazeta va jurnali tahririyatlarida (1937–38; 1943–61), «O‘zbekfilm» kinostudiyasi (1962–65)da, O‘zbekiston Yozuvchilar uyushmasi (1965–74)da mas’ul lavozimlarda ishlagan. Uning «To‘yona», «Ulg‘ayish» (1950), «Birinchi bahor» (1951) hikoya va ocherklar to‘plamlari nashr etilgan. «CHo‘lga bahor keldi» (1951) dastlabki qissasi e’lon qilingan. Keyinchalik yozuvchi ushbu asarni qayta ishlab, 1972 yilda roman tarzida nashr etgan. «Povest va hikoyalar» (1954), «Shohi darparda» (1958), «Kishilarimiz qissasi» (1962) singari ocherk, hikoya va qissalardan iborat to‘plamlari ham bor. Uning «Sen yetim emassan» kinoqissasi (1960) asosida kinorejissyor Sh.Abbosov tomonidan suratga olingan shu nomdagi filmi katta shuhrat qozongan. Yozuvchi bu kinoqissa ustidagi ijodiy ishini davom ettirib, «Hazrati inson» romani (1970)ni yaratdi. Rahmat Fayziy, shuningdek, «Yor-yor» filmi ssenariysi va bolalarga bag‘ishlangan «Birinchi xat» (1954), «Hayotning tug‘ilgan kuni» (1953) va boshqa hikoyalar muallifi. Shayx Zayniddinbobo qabristoniga dafn etilgan. Toshkent shahridagi ko‘chalardan biri Rahmat Fayziy nomi bilan ataladi.

«Toshkent» ensiklopediyasi. 2009 yil

O‘xshash maqola

O‘zbekiston Oliy sudining birinchi raisi va uning ayanchli qismati

Post Views: 1 465 Saʼdulla Qosimov yoxud «Qosimovchilik ishi» Saʼdulla Qosimov 1901 yil Toshkent shahrida dunyoga …

Fikr bildirish

Email manzilingiz chop etilmaydi. Majburiy bandlar * bilan belgilangan