Bosh sahifa » Toshkentliklar » Olimlar. Ahror Muzaffarovich Muzaffarov

Olimlar. Ahror Muzaffarovich Muzaffarov

MUZAFFAROV Ahror Muzaffarovich (1909.1.9–1987.22.5) – biolog olim. O‘zbekiston FA akademigi (1960), O‘zbekistonda xizmat ko‘rsatgan fan arbobi (1969), biologiya fanlari doktori (1952), professor (1955). Farg‘ona pedagogika institutini tugatgan (1934). 1946 yildan Toshkentda. O‘zbekiston FA Botanika va zoologiya institutida katta ilmiy xodim, bo‘lim mudiri (1946–50), O‘zbekiston FA Botanika instituti laboratoriya mudiri (1950–56), direktori (1956–60), ToshDU kafedra mudiri (1955–62), O‘zbekiston FA Prezidiumi a’zosi va biologiya fanlari bo‘limi akademik kotibi (1960–70), O‘zbekiston FA Mikrobiologiya bo‘limi boshlig‘i (1970–77), O‘zbekiston FA Mikrobiologiya instituti direktori (1977–85). 1985 yildan O‘zbekiston FA Prezidiumi biologiya fanlari bo‘limi akademik kotibi. Asosiy ilmiy ishlari Markaziy Osiyo tog‘lari suv havzalarida, shuningdek, dunyo kontinental florasida suvo‘tlarning rivojlanish va tarqalish qonuniyatlarini, foydali va zararli suvo‘tlar ekologiyasini o‘rganishga bag‘ishlangan. Beruniy nomidagi O‘zbekiston Davlat mukofoti laureati (1979). Yalang‘och qabristoniga dafn qilingan. Toshkentdagi ko‘chalardan biri Muzaffarov nomiga qo‘yilgan.

«Toshkent» ensiklopediyasi. 2009 yil

O‘xshash maqola

O‘zbekiston Oliy sudining birinchi raisi va uning ayanchli qismati

Post Views: 1 422 Saʼdulla Qosimov yoxud «Qosimovchilik ishi» Saʼdulla Qosimov 1901 yil Toshkent shahrida dunyoga …

Fikr bildirish

Email manzilingiz chop etilmaydi. Majburiy bandlar * bilan belgilangan