Bosh sahifa » Toshkent tarixi » Eshonqulidodxoh madrasasi

Eshonqulidodxoh madrasasi

ESHONQULIDODXOH MADRASASI (rus manbalarida Shayxontohur madrasasi) – Shayx Xovandi Tohur majmuasi tarkibidagi yirik madrasa (1840). Toshkent hokimi Lashkar qushbegining o‘g‘li, Turkiston hokimi Eshonqulidodxoh tomonidan Yunusxon madrasasining janubi-sharqida, Katta ko‘cha (hozirgi Navoiy ko‘chasi)ga tutash yerda qurdirilgan. Madrasa Shayx Xovandi Tohurning Oltunlik masjidi yonida, qadimiy Langar hovuzi atrofida to‘rt tarafdan bir-biriga qaratib solingan binolardan tarkib topgan. O‘rtada qolgan Langar hovuzi esa Eshonqulidodxoh buyrug‘i bilan to‘ldirilib, madrasa sahniga aylantirilgan va evaziga Yunusxon maqbarasi g‘arbida bir tanoblik yangi hovuz barpo qilingan. Madrasa shahardagi iqtisodiy jihatdan eng yaxshi ta’minlangan madrasalardan biri bo‘lib, unga ko‘plab do‘konlar, tegirmonlar, yerlar va boshqa ko‘chmas mulklar vaqf qilingan.

Eshonqulidodxoh madrasasi
Eshonqulidodxoh madrasasi

20-asrning 60-yillarigacha turli muassasalar ixtiyorida bo‘lib kelgan Eshonqulidodxoh madrasi keyinchalik qarovsiz qolib xarobaga aylangan, uning oxirgi qoldiqlari 1964 yilga kelib yo‘q bo‘lib ketgan.

«Toshkent» ensiklopediyasi. 2009 yil

O‘xshash maqola

Professorlar shaharchasi

Post Views: 80 PROFESSORLAR SHAHARCHASI – Sobir Rahimov (hozirgi Olmazor) tumanidagi turar joy massivi. Qamarniso, Mirzo …

Fikr bildirish

Email manzilingiz chop etilmaydi. Majburiy bandlar * bilan belgilangan