Shosh.uz | Nafaqat Toshkent haqida… Nafaqat Toshkent haqida…
DEVONAI BURX MOZORI, Bo‘rqi Sarimast valiy (Shayxontohur dahasi, Fishtmasjid mahalla guzari) – Toshkentdagi ziyoratgoh qadamjolardan biri (19-asr). Sulaymon payg‘ambar (a.s.) zamondoshi bo‘lgan Osaf Burxiyo nomi bilan bog‘liq. Muhammad Solihxo‘ja Toshkandiyning yozishicha, qadamjo binosidagi baland gumbaz o‘ratepalik yuz jamoasidan bo‘lgan Qurbonboy tomonidan bino qilingan. Devonai Burx mozori Ko‘hna Urganch va Buxoroda ham uchraydi. Shayxontohur dahasida Devonaburx (Devonayi burx) mahallasi bo‘lgan. Mozor darvish va devonalarning gavjum manzillaridan hisoblangan.
«Toshkent» ensiklopediyasi. 2009 yil