Shosh.uz | Nafaqat Toshkent haqida… Nafaqat Toshkent haqida…
Buxoro viloyatining Romitan tumanida joylashgan “Xoʻja Niyoz Xorazmiy” maqbarasi oldidan oqib oʻtuvchi zovurda qurilish ishlari olib borilayotgan paytda suv ostidan X asrga taalluqli Laq-Laqa koʻprigi topilgan.
Toshkent arxeologiya tadqiqot instituti mutaxassislari koʻprik X asrda qurilgani va XVI asrda qayta taʼmirlanganini tasdiqladi.
Turizmni rivojlantirish davlat qoʻmitasi matbuot xizmatining maʼlum qilishicha, mazkur hududda tadbirkor Nizom Huseynov tomonidan ekoturistik markaz yaratish boʻyicha ham ishlar olib borilmoqda. Bu yerga keluvchi turistlar kelajakda nafaqat qadimiy koʻprik qoldiqlarini, balki choʻl hayvonlari bogʻi, qadimiy uy namunasi va milliy hunarmandchilik mahsulotlaridan ham bahramand boʻlishadi.
