Бош саҳифа » Тошкентликлар » Шошлик муҳаддислар. Абу Саъид Исо ибн Солим Шоший

Шошлик муҳаддислар. Абу Саъид Исо ибн Солим Шоший

Исо ибн Солим Абу Саъид Шоший (ваф. 232/847) — Шош аҳлидан[1], у Арис (куёв) деб танилган[2], унинг куньяси Абу Саъиддир[3]. У ишончли муҳаддис бўлиб, эл-юрт кезган. Исо ибн Солим Шоший Абу Худба Иброҳим ибн Худба[4], Убайдуллоҳ ибн Амр, Бақия ибн ал-Валид ва бошқалардан ҳадислар ривоят қилган. Абу Бакр Хатиб Бағдодийнинг хабар беришича, «У Бағдодға келган ва бу ерда йирик муҳаддис, фақиҳ Абдуллоҳ ибн Муборак, Убайдуллоҳ ибн Амр Раққий ривоят қилган ҳадисларни ёзиб олган»[5]. Исо ибн Солим Шошийдан машҳур олим Абдуллоҳ ибн Аҳмад ибн Ҳанбал, Абдуллоҳибн Муҳаммад ибн Абдулазиз Бағавий[6], Муҳаммад ибн Бишр ибн Матор, Идрис ибн Абдулкарим Муқриъ, Мусо ибн Ҳорун Ҳофиз, Аҳмад ибн Ҳасан ибн Абдулжаббор Суфий[7], Абу Зуръа[8] ва бошқалар ҳадис ривоят қилишган.

Кўриниб турибдики, Исо ибн Солим Шошийдан қатор олимлар ҳадислар ривоят қилишган. У ўрта аср араб муаллифлари асарларида ҳадис ривоят қилувчи ишончли муҳаддис сифатида эътироф этилган. Шунингдек, Исо ибн Солим Шошийдан ҳадислар билан бир қаторда ҳикматли иборалар ва хабарлар ривоят қилинган. Хусусан, «Таҳзиб ал-камол» («Камолот ривожи») китобида: «Исо ибн Солим Шоший Раққийдан айтишича, Маймун ибн Миҳроннинг шундай деганини эшитдим: «Эй, Қуръон асҳоблари! Қуръонни дунёда фойда кўрадиган восита қилиб олманглар. Мол-дунёни дунёдан изланглар, охиратдан эса охиратни изланглар!» — деб ёзилган[9].

Неъматулло МУҲАМЕДОВ

ШОШ ВОҲАСИ ОЛИМЛАРИНИНГ ИЛМИЙ-МАЪНАВИЙ МЕРОСИ

«Тошкент ислом университети» нашриёт-матбаа бирлашмаси,
Тошкент — 2007

[1] Муҳаммад ибн Хиббон ибн Аҳмад Абу Ҳотам Тамимий. ас-Сиқот. -Байрут: Дор ал-фикр, 1975. 8-жилд. -Б. 494

[2] Қаранг: Муҳаммад ибн Али ибн Ҳасан Абулмаҳосин Ҳусайний. Икмол Ҳусайний. Карачи: Жомиъат ад-диросат ал-исломия, 1989. 1-жилд. -Б. 330; Абу Бакр Аҳмад ибн Али Хатиб Бағдодий. Тарихи Багдод ав Мадинат ас-Салом. -Байрут: Дор ал-кутуб ал-илмия, 1997. 11-жилд. -Б. 161

[3] ас-Сиқот. 8-жилд. -Б. 494

[4] Аҳмад ибн Али ибн Ҳожар Асқалоний. Лисон ал-мизон. -Байрут: Муассасат а-рисола, 1986. 1-жилд.-Б. 119

[5] Тарихи Бағдод. 11-жилд. -Б. 161

[6] Такмилатал-Икмол. 3-жилд. -Б. 487

[7] Тарихи Бағдод. 11-жилд. -Б. 161

[8] Икмол Ҳусайний. 1-жилд. -Б. 330

[9] Юсуф ибн Закий Абдураҳмон Абулҳажжож Музий. Таҳзиб ал-камол. -Байрут: Муассасат ар-рисола, 1980. 29-жилд. -Б. 219

Ўхшаш мақола

Муҳаммад Ёқуббек – Хитойдаги Еттишаҳар давлатининг Пскентлик ҳукмдори (1-мақола)

Post Views: 1 011 Туркистон халқлари тарихида ўчмас из қолдирган сиймолардан бири Муҳаммад Ёқуббек Бадавлатдир (1820–1877 …

Добавить комментарий

Ваш адрес email не будет опубликован. Обязательные поля помечены *