ШАМАТЕПА – шаҳар харобаси (3–6-асрлар). Янгийўл шаҳридан жанубда жойлашган. Дастлаб Г.В.Григорьев (1934) қайд этиб, уни бозор қошида ўрта асрларда мавжуд бўлган қўриқчи-истеҳком бўлган деб ҳисоблаган. 1974 йил Ю.Ф.Буряков Шаматепани атрофлича ўрганган. Умумий майдони 11–12 гектар. Шаҳристонни қазиш вақтида 3,5 м қалинликдаги маданий қатлам очилган. Турар жой бинолари деворлари пахса ва йирик хом ғиштлардан қурилган. Пастки қатламдан қабр чиқиб, ундан сопол идишлар, темир пичоқлар, шиша мунчоқлар топилган.
«Тошкент» энциклопедияси. 2009 йил