الرئيسية » تاریخ » خاجه اهرار ولي جامع مسجدی

خاجه اهرار ولي جامع مسجدی

خاجه اهرار ولي جامع مسجدی (15-عصر) (شیخانتاهور تومنی، «گُلزار» محله‌سی، حقیقت کۉچه‌سی، 22) – معماري یادگارلیک. خاجه اهرار قوردیرگن، شهر نینگ باش جامع مسجدی بۉلگن، اوسمان قرآنی شو یېرگه کېلتیریلگن اېدی. 1875 ییل چار مأمورلری تامانیدن بوزیب تشلنگن. اوسمان قرآنی سه‌مرقندگه آلیب کېتیلگن. 1886 ییل محلي اهالی ناراضیلیگیدن خوفسیره‌گن چار مأموریتی مسجد بناسینی قَیته قوریب بېرگن. 1999 ییل مسجد پای‌دېوارینی بوزیش پیتیده اونی شو ییلی قوریلگنی حقیده‌گی یازوو تاپیلگن. اما روسلر تامانیدن بنیاد اېتیلگن بو انشاات مسجد بۉلمه‌ی، کېلگوسیده کلیساگه مۉلجللنگن بۉلگن. مسجد بناسی ایچیده محراب اۉرنیگه ایکانه اۉرنه‌ته‌دیگن خاچچه‌لر قیلینگن اېدی.

اۉزبېکستان جمهوریتی وزیرلر محکمه‌سی نینگ 1996 ییل 26 جنوریده‌گی فرمایشیگه اساسه‌ن مسجد قَیته تیکلنگن و 1998 ییل 16 جولایده رۉیخطگه آلینیب ایشگه توشیریلگن. مسجد بناسی 3000 نمازخوانگه مۉلجللنگن. اساسه‌ن «گُلزار» محله‌سی، چارسو بازاریده‌گی ساتووچیلرگه خدمت کۉرسه‌ته‌دی.

«تاشکېنت» اېنسیکلاپېديه‌سی. 2009 ییل

ملاحظه‌

الکترون پُسته‌ منزلینگیز چاپ اېتیلمه‌یدی. مجبوري تۉلدیریلیشی شرط بۉلگن قطارلر * بیلن بېلگیلنگن