الرئيسية » کتبخانه‌ » منورقاری. هر کیم اېککنینی اۉره‌ر

منورقاری. هر کیم اېککنینی اۉره‌ر

هر کیم اېککنینی اۉره‌ر
بیر کیشی نینگ آته‌سی
کۉپ یشهمیش، قرته‌یمیش.
ساچ-سقالی آقرمیش،
بېللری کوچدن قالمیش.
نان یېگنده لبلری
بورنی بیلن سۉزلشور.
چای ایچگنده قۉللری
قه‌لتیره‌شیب، تیتره‌شور.
بېلی ایکّی بوکیلگن،
یوره‌ی دېسه، یورالمس.
بیر اۉتیرسه، اۉرنیدن
کۉترمسه‌نگ، تورالمس.
اۉغیل، کېلین، نېوره‌
زېریکدیلر بو حالدن
قوتولماقچی بۉلدیلر
بیر ایش قیلیب او چالدن.
کیریب بیر خیلوه‌ت اویگه،
سۉزلشدیلر اوچاولان؛
اۉغیل بیلن نېوره‌
قیلدی اۉز فکرین بیان
سۉزلر بیر آز چۉزیلدی،
مجلس اوزاققه کېتدی.
نوبت کېلدی کېلینگه
او هم اۉز فکرین ایتدی.
کېلین دېدی: «سیزلر نینگ
تۉغری اېمس اۉیینگیز.
اېنگ یخشیسی، صحراگه
آلیب چیقیب قۉیینگیز!
بیراو کۉمر اۉلیگین،
کۉرمس بیز نینگ کۉزیمیز.
مشقتسیز بو غمدن
قوتولغه‌یمیز اۉزیمیز».
اۉز فکرینی سۉزلشده
کېلین اوسته‌ یۉل توتدی
بیر آغیزدن مجلسده
کېلین نینگ فکری اۉتدی
اۉغیل بیلن نېوره‌
کون کېچ بۉلگه‌چ، توردیلر؛
کۉتردیلر او چالنی،
صحرا سری یوردیلر.
بیر ا‌ۉرینگه یېتگنده،
سۉزگه کیردی اۉشه‌ چال.
دېدی: «اۉغلیم! سۉزیمگه
بیر آز اېندی قولاق سال:
من آته‌منی بیر زمان
بو ا‌ۉرینگه کېلتیریب،
تشلب کېتگن چاغیمده
قالگن اېدی تېرمولیب
نوبت کېلدی اۉزیمگه،
سېن هم مېنی کېلتیردینگ،
مېن آته‌مگه نه‌ قیلسه‌م،
اېمدی مېنگه سېن قیلدینگ.
مېنگه یره‌ر شول ا‌ۉرین
بیر کون سېنگه هم یره‌ر.
اېل ارا بار بیر متَل:
«هر کیم اېککنین اۉره‌ر!»
بو سۉزلرنی اېشیتگه‌چ،
اۉغیل هۉنگره‌ب ییغله‌دی.
آته‌سیگه عذر ایتیب،
خدمتگه بېل باغله‌دی.

مېتودیک-بیبلیوگرا‌فیک قۉللنمه
© الیشېر نواي نامیده‌گی اۉزبېکستان ملي کتبخانه‌سی نشریاتی،
2008 ییل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *